Cynlluniau Rheoli Dyled Am Ddim

Mae cynllun rheoli dyledion yn debyg iawn i hunan-negodi. Fodd bynnag, yn hytrach nag ysgrifennu at y credydwyr a danfon taliadau eich hunan, mae cwmni yn gwneud hyn ar eich rhan. Byddwch yn talu un taliad i’r cwmni rheoli dyledion bob mis a byddant yn cysylltu gyda’ch credydwyr a’n talu'r arian ar eich rhan. Mae ond modd i chi ddefnyddio cynllun rheoli dyledion er mwyn talu ‘benthyciadau diogel’. Nid yw’r dyledion yma wedi eu sicrhau yn erbyn eich eiddo.

Mae yna lawer o gwmnïau sydd yn cynnig gwasanaeth rheoli dyledion ond bydd y rhan fwyaf ohonynt yn codi tâl. Mae yn ddau fudiad sydd yn cynnig gwasanaethau rheoli dyledion yn rhad ac am ddim - PayPlan a StepChange.

Pwyntiau pwysig i’w cofio am gynllun rheoli dyled yw:

• Rhaid i chi fedru talu'r un swm o arian i’r cwmni rheoli dyledion bob mis.
• Nid oes dim o’r ddyled yn cael ei ddileu. Gan ddibynnu ar faint sy’n ddyledus a faint yr ydych yn medru talu bob mis, efallai y bydd yn cymryd mwy o amser i ad-dalu eich dyledion.
• Nid yw Cynllun Rheoli Dyledion yn rhwymo yn gyfreithiol, ac felly, mae modd i chi ei atal ar unrhyw adeg.  
• Nid yw Cynllun Rheoli Dyledion yn rhwymo yn gyfreithiol ar y credydwr, ac nid oes rhaid iddynt dderbyn eich cynnig.

Bydd Cynllun Rheoli Dyledion yn effeithio ar eich statws credyd os ydych yn gwneud taliadau llai. Mae hyn yn golygu y bydd hi’n fwy anodd i chi cael credyd yn y dyfodol.