Sut wyf yn medru cwyno?
Os nad ydych yn hapus gyda’r ffordd yr ydych wedi eich trin gan eich benthyciwr, mae modd i chi gwyno. Gofynnwch am gyngor os ydych yn credu bod eich cytundeb yn annilys gan nad oeddech yn meddu ar y gallu i gytuno gyda’r hyn a nodwyd. Mae cyngor am ddim ar gael o’r National Debtline a StepChange
Cwyno
Dylai eich benthyciwr feddu ar weithdrefn gwyno, Dylent roi copi i chi os ydych yn gofyn am gopi. Mae benthycwyr angen i chi gwyno yn ysgrifenedig fel arfer, Pan fyddwch yn ysgrifennu eich cwyn mewn e-bost neu lythyr, dylech farcio hyn gyda’r gair ‘cwyn’.
Esboniwch:
- Yr hyn sydd wedi digwydd,
- Pam nad ydych yn medru ad-dalu’r ddyled, a
- Beth ydych am i’ch benthyciwr wneud o ganlyniad i’ch cwyn.
Byddai’n helpu pe baech yn cynnwys unrhyw dystiolaeth sydd yn dangos nad oeddech yn meddu ar y galluedd pan wnaethoch drefnu’r benthyciad. Efallai y byddwch yn medru cael tystiolaeth gan weithiwr iechyd meddwl neu feddygol proffesiynol megis eich Meddyg Teulu, gweithiwr cymdeithasol neu’ch nyrs seiciatryddol gymunedol (CPN).
Byddai’n helpu pe baech yn cynnwys unrhyw dystiolaeth sydd yn dangos nad oeddech yn meddu ar y galluedd ar y pryd.
Unwaith i chi gwblhau eich e-bost neu lythyr, cadwch gopi ar gyfer eich cofnodion. Os ydych wedi danfon y llythyr drwy wasanaeth ‘recorded delivery’, mae modd i chi brofi wedyn fod y benthyciwr wedi derbyn y gwyn.
Dylai eich benthyciwr ddelio gyda’ch cwyn o fewn 8 wythnos. Os nad ydych yn hapus gyda’r ymateb, mae modd i chi ofyn i’r Gwasanaeth Ymddygiad Ariannol (GYA) i ystyried y gwyn i chi. Bydd y GYA yn ymchwilio ac maent yn medru dweud wrth y banc sut i ddatrys y gwyn. Gallwch gysylltu gyda’r GYA:
Y Gwasanaeth Ymddygiad Ariannol
Arbenigwr swyddogol y DU wrth ddatrys problemau yn ymwneud â banciau, yswiriant, PPI, benthyciadau, morgeisi, pensiynau ac unrhyw gwynion ariannol neu gyllidol eraill.
Cyfeiriad: Gwasanaeth Ymddygiad Ariannol, Exchange Tower Llundain E14 9SR
Ffȏn: 0300 123 9 123 neu 0800 023 4567.
Testun: 07860 027 586 a bydd rhywun yn eich ffonio nôl
