Beth os wyf yn hawlio Lwfans Byw i’r Anabl (LBA)?

Os ydych eisoes yn hawlio Lwfans Byw i’r Anabl (LBA), bydd yr Adran Waith a Phensiynau yn eich asesu ar gyfer Taliad Annibynnol Personol (TAP) os ydych o dan 65 a:

• Mae’r cyfnod yr ydych fod derbyn LBA yn dod i ben, neu
• Rydych yn dweud wrth yr Adran Waith a Phensiynau bod eich anghenion gofal neu symudedd wedi newid

Bydd yr Adran Waith a Phensiynau yn gofyn i bawb arall sydd yn hawlio LBA i hawlio TAP erbyn diwedd 2017. Mae hyn yn cynnwys pawb sydd wedi derbyn dyfarniad am fywyd. Os nad ydych yn hawlio TAP pan fydd yr Adran Waith a Phensiynau yn gofyn i chi, bydd eich LBA yn dod i ben.  .

Bydd yr Adran Waith a Phensiynau yn cysylltu gyda chi pan fyddant yn adolygu eich cais. Bydd 4 wythnos gennych i wneud cais am TAP. Ni fydd hawl gennych i barhau i dderbyn LBA.

A oes modd i mi hawlio TAP ynghynt na hyn?

Mae modd i chi hawlio TAP ynghynt ond dylech ystyried hyn yn ofalus cyn gwneud cais. Ni fydd llawer o bobl sydd yn derbyn LBA yn derbyn TAP neu mi fyddant yn derbyn TAP ar y gyfradd is. Mae hyn yn sgil y ffaith fod yr amodau cymhwyso yn wahanol. Ni fyddwch yn derbyn TAP ar yr un pryd â’r LBA. 

Beth os ydych yn hŷn na 65

Os ydych yn 65 erbyn 8^fed Ebrill 2013, rydych dal yn medru hawlio’r LBA. Ni fydd yr Adran Waith a Phensiynau yn gofyn i chi hawlio TAP.

Os ydych yn hŷn na’n 65, nid ydych yn medru gwneud cais newydd am LBA neu TAP. Bydd angen i chi hawlio Lwfans Mynychu.